काठमाडौं, ५ असार । सल्यानमा वनमा लागेको डढेलोमा परेर एक पुरूषको मृत्यु भएको छ।
सिद्धकुमाख गाँउपालिका वडा नम्बर ३ डाँडा कटेरीका ५७ वर्षीय दलबहादुर बुढाथोकीको डढेलोमा परेर मृत्यु भएको प्रहरीले जनाएको छ।
बुढाथोकी सल्लाको खोटो संकलनका लागि वनमा पुगेका थिए। दुबिचौर र हलुवारे सामुदायिक वनमा लागेको डडेलोमा परेर शनिबार उहाँको मृत्यु भएको हो।
वनमा लागेको डढेलो निभाउन गएको प्रहरीले एक जनाको शव फेला पारेको जिल्ला प्रहरी प्रमुख डिएसपी सुमित खड्का बताउनु भयो।
