पोखरा, २० जेठ । गण्डकी प्रदेश सरकारले पूर्वपदाधिकारीलाई सुविधा दिन लागेपछि पोखरामा विरोध प्रदर्शन भएको छ । गैरसरकारी संस्था महासंघ र नागरिक समाजले मुख्यमन्त्री कार्यालय नजिक विरोध प्रदर्शन गरेको हो ।
१२ जेठको मन्त्रिपरिषद बैठकले पूर्वपदाधिकारीलाई सुविधा दिन कानुन मस्यौदा समिति गठन गरेको छ । उक्त समिति गठन भएपछि समिति नै खारेजीको माग गर्दै विरोध कार्यक्रम गरिएको हो ।
प्रदेश सरकारले पूर्वपदाधिकारीहरुलाई सेवासुविधा दिन कानुन ल्याउने तयारी गरेको सुनिएको गैसस महासंघका प्रदेश अध्यक्ष गोपाल खड्काले बताउनु भएको छ । उहाँले राजनीति लाई पेशा नबनाइयोस् साथै उक्त निर्णय तुरून्त फिर्ता लिन भन्नु भयो।
कतिपय नवनिर्वाचित जनप्रतिनिधिहरूले पाउने सुविधा सामाजिक क्षेत्रमा दिने र कतिपयले नलिने घोषणा गरेको भन्दै उहाँले सबैले सोही अभियान चलाउनुपर्ने बताउनु भयो ।
