गोरखा, २१ वैशाख । अखिल नेपाल फुटबल संघ (एन्फा) गोरखाको अध्यक्षमा बिशाल गुरुङ चयन हुनु भएको छ । मंगलवार भएको अधिवेशनमा पूर्व अध्यक्ष दिपेन्द्र श्रेष्ठ र महासचिव बिशाल गुरुङ बिच भएको प्रतिस्पर्धामा गुरुङले ६ र श्रेष्ठले ४ मत प्राप्त गर्नु भएको हो ।
अधिवेशनले गुरुङको अध्यक्षतामा नयाँ समिति चयन गरेको छ । जसमा उपाध्यक्षमा सन्दिप पन्थी, बिकास तामाङ कमल पोखरेल चयन भएका छन् ।
यसै गरी सदस्यहरुमा छितिज गुरुङ, अमित खत्री, सुजन तामाङ, सबिन केसी, रबिन थापा, सिमोन श्रेष्ठ, जिबन गुरुङ अनिल श्रेष्ठ चयन भएका छन् । सदस्यमा १४ जना बिच प्रतिस्पर्धा भएको निर्वाचन अधिकृत स्थानेश्वर दवाडीले बताउनु भयो ।
११ क्लव सदस्य रहेको एन्फा गोरखामा एउटा मतपत्र खाली भएपछि बदर भएको थियो । निर्वाचित सदस्यबाट कार्यसमितिलाई पूर्णता दिने एन्फाले जनाएको छ ।
