गोरखा १९, वैशाख । यही वैशाख ३० गते हुने स्थानिय तह निर्वाचनमा शिक्षकहरुको जनशक्ति लिने क्रममा अपमान हुने गरी व्यवस्थापन गरेको भन्दै शिक्षक महासंग आवद्ध शिक्षक संघ संगठन गोरखाले निर्वाचन आयोगको ध्यानाकर्षण गराएको छ ।
जिल्ला निर्वाचन अधिकृत कार्यालयलाई आज एक पत्र लेख्दै निर्वाचनमा आवश्यक पर्ने कर्मचारी व्यवस्थापनका क्रममा शिक्षकहरुबाट जनशक्ति लिदाँ मान मर्दन हुने गरी तह र श्रेणीलाई ध्यान नदिई हचुवामा व्यवस्थापन भएको प्रति शिक्षक संघ संगठन गोरखाले ध्यानाकर्षण गराएको हो ।
शिक्षकहरुलाई अपमान महशुष हुने गरी खटन पटनका लागी गरिएको निर्णयलाई सम्मानजनक हुने गरी उचित व्यवस्थापन गर्न संघ संगठन गोरखाले अनुरोध गरेको छ । यस्तै आयोगले भविष्यका निर्वाचनको कर्मचारी व्यवस्थापनमा समेत असर नपर्ने गरी आवश्यक निर्णय गरिदिन शिक्षक संघ संगठन गोरखाले संयुक्त रुपमा जारी गरेको पत्रमा उल्लेख गरिएको छ ।
