गोरखा, १७ बैशाख । नेकपा माओबादी केन्द्र भीमसेन थापा गाउँपालिकाको वडा नम्बर ४ धावामा देखिएको माओबादी केन्द्र भित्रको आन्तरिक बिबाद मिलेको छ । वडाध्यक्षको उमेद्वार चयनका बिषयमा बिबाद भएपछि बागी उमेद्वार दिनुभएका स्थानीय पार्टी नेता ओमबहादुर अधिकारी (कृष्ण) ले बिज्ञप्ति मार्फत उमेद्वारी फिर्ता लिएको घोषणा गरेपछि पार्टी एक ढिक्का भएको हो ।
नेता अधिकारीले जारी गर्नुभएको बिज्ञप्ति आफु पार्टी बिचार सिद्धान्त र निष्ठाबाट कति पनि बिचलित नभएको भन्दै पार्टीको उमेद्वार बिजयी गराउन दृढताका साथ लाग्ने प्रतिबद्धता व्यक्त गर्नुभएको छ । बिज्ञप्तिमा आफुले पार्टी भित्रको बैचारिक कारण उमेद्वारी दिएको भएपनि पार्टीको योजना भन्दा बाहिर रहेर गैह्र राजनीतिक गतिबिधि गर्न नसक्ने उहाँले उल्लेख गर्नुभएको छ ।
नेता अधिकारीले बिज्ञप्ति मार्फत बैशाख ३० गतेको स्थानीय तहको निर्वाचनका लागि आफ्नो उमेद्धवारी रहेको भन्दै सम्पूर्ण पार्टी पङ्तीलाई एक ढिक्का भएर पार्टीको उमेद्वारको पक्षमा चुनावमा होमिन अपिल गर्नुभएको छ ।
