गोरखा, १२ वैशाख । राष्ट्रिय प्रजातन्त्र पार्टीले गोरखा नगरका सबै उम्मेदवारहरुलाई गोरखाकाली मन्दिरमा राखेर हलो समातेर कमस खुवाएका छन् । उम्मेदवारहरुलाई जिम्मेवारीमा रहदाँ भ्रष्ट्राचार गर्दिन भन्दै हलो समातेर कालिका मन्दिर अगाडी कसम खुवाएको हो ।
राप्रपाबाट गोरखा नगरमा मेयर पदका लागी रुद्रराज पाण्डे, उपमेयर पदमा सम्झना लामिछाने सहित वडाका उम्मेवारहरुलाई कसम खुवाईएको राप्रपाका जिल्ला उपाध्यक्ष तथा सचिवालय प्रमुख भिषण अर्यालले जानकारी दिनु भयो ।
पार्टीले उहाँहरुलाई आज उम्मेवारी दर्ता गराउनु पूर्व नै मन्दिरमा राखेर कसम खुवाएको हो । उम्मेदवार सबैले आफुहरुले निर्वाचित भएर पदमा रहदा कुनै पनि प्रकारको भ्रष्ट्राचारमा संलग्न नहुने कमस खाएको पार्टी जनाएको छ । सचिवालय प्रमुख अर्यालका अनुसार मेयर र उपमेयर सहित १२ देखी १४ वटा वडामा उम्मेदवारी दिने तयारी भई रहेको बताएका छन्।
