गोरखा, १७ चैत । नेकपा माओबादी केन्द्र गोरखा नगरपालिका स्तरीय युवाहरुको संगठन योङ कम्युनिष्ट लिग (वाइसिएल) को प्रशिक्षण सम्पन्न भएको छ । निर्वाचनको तयारी र युवाहरुको परिचालनलाई व्यवस्थित बनाउन बैठक तथा प्रशिक्षण कार्यक्रम सञ्चालन गरेको नेकपा माओबादी केन्द्र गोरखा नगरपालिकाले जनाएको छ ।
सो अबसरमा नगरपालिका भित्र पर्ने क्षेत्र नम्बर र दुई अन्र्तगतका वडाहरु बिभाजन गरेर निर्वाचनमा परिचालनका लागि वाइसिएलको कमाण्ड समेत गठन गरेको नगरपार्टी समितिका अध्यक्ष कृष्ण रानामगरले जानकारी दिनुभयो । क्षेत्र नम्बर एक अन्र्तगत पर्ने वडा नम्बर १ देखि ७ सम्म र क्षेत्र नम्बर २ अन्र्तगत पर्ने वडा नम्बर ८ देखि १४ नम्बरसम्मका वडा बिभाज गरेर दुई वटा युवा कमाण्ड गठन गरेको उहाँको भनाई छ ।
बैठकले क्षेत्र नम्बर १ मा परेका वडाहरुमा वाइसिलको कमाण्डको जिम्मेवारी रोसन मियाँलाई दिएको छ भने २ नम्बरको क्षेत्रमा पर्ने वडाहरुमा रुबिन कुमालको नेतृत्वमा कमाण्ड गठन भएको अध्यक्ष रानामगरले बताउनुभयो । बैठकमा वाइसिएलका केन्द्रीय सदस्य तथा प्रदेश समितिका सहसचिव सुदिप नगरकोटी, नगरपार्टी अध्यक्ष कृष्ण रानामगर, नेताहरु रामबहादुर खड्का, हरी खनाल, रामहरी के.सी, दिलबहादुर सेन्चुरी बालकृष्ण परियार लगायतले प्रशिक्षणमुलक मन्तव्य राखेका थिए ।
