काठमाण्डौं २४, असोज । मन्त्रि भएको दुई दिनमै देउवा सरकारका एक मन्त्रिले आइतबार प्रधानमन्त्रि समक्ष राजीनामा बुझाएका छन् । उद्योग, वाणिज्य तथा आपूर्तिमन्त्री गजेन्द्र हमालले प्रधानमन्त्री शेरबहादुर देउवा समक्ष राजीनामा पत्र बुझाउनु भएको हो ।
झण्डै तीन महिना लगाएर मन्त्रिपरिषदलाई पूर्णता दिँदा हमालले महत्वपूर्ण मन्त्रालयको जम्मेवारी पाउनु भएको भएपनि संसद भन्दा बाहिरको व्यक्तिलाई मन्त्रि बनाएको भन्दै सर्वत्र आलोचना भएपनि उहाँले राजीनामा दिनुभएको हो ।
कांग्रेसको राजनीतिमा ४५ वर्ष योगदान पुर्याएको भए पनि आफूलाई अनावश्यक विवादमा तानिएको उहाँको तर्क छ।
