गोरखा १२, असार । नेपाली कांग्रेस गोरखा क्षेत्र नम्बर १ ‘ख’ को सभापति पदमा ठाकुर भट्ट निर्विरोध निर्वाचित हुनुभएको छ ।
आरुघाट गाउँपालिकाको आरुघाट बजारमा भएको अधिवेशनबाट भट्ट सहित समितिका सबै सर्वसम्मत चयन भएका छन ।
मंगलबार भएको कार्यक्रमबाट उप सभापतिमा बलराम ढकाल र मणिलाल गुरुङ, सचिवमा यमलाल लामिछाने र ऋषिराम लामिछाने चयन भएका छन ।
त्यस्तै गरी सह सचिवमा विश्वनाथ अधिकारी र समिर ढकाल चयन भएका छन् ।
यता गोरखा १ ‘क’ मा उत्तम अधिकारी, खुन प्रसाद रेग्मी र काजिराम अधिकारीले उमेद्धवारी दिएका छन् ।
क्षेत्र नम्बर २ को प्रदेश सभा ‘क’ को पालुङटारमा भएको निर्वाचनमा नारायण गुरुङ र भानु थापाको उमेद्धवारी दर्ता भएको छ ।
त्यस्तै गरी क्षेत्र नम्बर २ को ‘ख’ मा सिजर भट्ट र दिनेश खनखवासले सभापतिमा उम्मेदवारी दर्ता गराएका छन्
