काठमाण्डौं २९, साउन । अत्यधिक वर्षाका कारण कम्तीमा २१ जनाको मृत्यु भएको छ । चीनको मध्य भागमा वर्षाका कारण भएका प्रकृतिक विपत्तिका घटनाहरुमा परी अरू केही व्यक्तिहरु पनि हराइरहेका छन् ।
चीनको मध्य भागमा पर्ने हुबेई प्रान्तमा बुधबार देखि ठूलो वर्षा भएको र त्यसले मानवीय क्षति गरेको सरकारी अधिकारहरुले आज जानकारी दिएका छन् । वर्षाका कारण आठ हजार भन्दा बढी स्थानीय बासिन्दा प्रभावित भएका छन् ।
घटना स्थलमा खोजी तथा उद्धार कार्य पनि जारी रहेको चीनिया सञ्चार माध्यमले जनाएका छन् ।
