काठमाणडौं २५, साउन । बिद्रोही तालिवानले अफगानिस्तानमा एकैदिनमा गर्यो तीन वटा प्रान्तीय राजधानी कब्जा गरेको छ । तालिवान लडाकुले उत्तरी शहर कुन्दुज, सर–ए–पुल र तालोक्वानमा आइतबार नियन्त्रण कायम गरेका हुन् । यससँगै अहिलेसम्म तालिबानले पाँच प्रान्तीय राजधानीमा कब्जा जमाउन सफल भैसकेका छन् ।
यसअघि उनीहरुले उत्तरी क्षेत्रको जोजन राज्यको राजधानी शबरगान तथा दक्षिण पश्चिमी प्रान्त निमरोजको राजधानी जाराञ्ज कब्जामा लिएका थिए । नियन्त्रणमा लिइएका मध्ये कुन्दुज रणनीतिक रुपमा निकै महत्वपूर्ण रहेको मानिन्छ । कुन्दुज केन्द्रीय राजधानी काबुलसहित अन्य महत्वपूर्ण केन्द्रहरुसँग जोडिएको छ ।
अहिले पश्चिमी शहर हेरात, दक्षिणी शहर कान्दाहर तथा लश्कर गाहमा पनि सरकार र विद्रोहीबीच भिडन्त भइरहेको छ । सरकारले विद्रोही लक्षित हवाई आक्रमण पनि बढाएको छ ।
