काठमाण्डौ ९ साउन । नेपाली काँग्रेसको पदाधिकारी तथा पूर्व पदाधिकारी बैठकले अधिवेशनको कार्यतालिका संशोधन गर्ने सहमति गरेको छ । आज बिहान काँग्रेस सभापति शेरबहादुर देउवाको निवास बूढानीलकण्ठमा बसेको बैठकले महाधिवेशन कार्यतालिका फरक नपर्ने गरी तल्लो तह कार्यतालिका परिर्वतन गर्ने निर्णय गरको हो । स्थानीय तहको अधिवेशन सर्ने तर कहिले सार्ने भनेर मिति भने नतोकिएको नेताहरुले बताएका छन् ।
महाधिवेशन तलमाथि नहुने गरी आन्तरिक मिलाउने सहमति भएको छ । यसअघि वडा अधिवेशन १२ साउन, पालिका अधिवेशन १६ साउन, प्रदेशसभा क्षेत्रीय अधिवेशन २० साउन, प्रतिनिधिसभा क्षेत्रीय अधिवेशन र एक मात्र प्रतिनिधि सभा निर्वाचन क्षेत्र भएको जिल्ला अधिवेशन २३ साउनका लागि तोकिएको थियो ।
एकभन्दा बढी प्रतिनिधि सभा निर्वाचन क्षेत्र भएको जिल्ला अधिवेशन २६ साउनका लागि तय गरिएको थियो । हिजोको बैठकमा सभापति शेरबहादुर देउवाले महाधिबेशनको मिति परिवर्तन नहुने गरि तल्लो तहको कार्यतालिका भने संसोधन गर्न सकिने बताउनुभएको थियो ।
