काठमाण्डौं ३, साउन । सरकारमा जान पाउने भएपछि जनता समाजबादी पार्टी (जसपा) ठाकुर पक्षमा खुलेका ५ सांसद ओली सरकार ढलेसंगै फेरि यादब पक्षको पोल्टामा फर्किएका छन् । यादव पक्षले शनिबार बोलाएको संसदीय दलको बैठकमा ठाकुर पक्षमा चार सांसद उपस्थित भएपछि उनिहरु ठाकुर पक्षमा खुलेको पुष्टी भएको हो ।
अर्का एकजना सांसदले बैठकमा उपस्थित नचएपनि यादव पक्षलाई साथ दिने आवश्वासन दिएको स्रोतको दावी छ । ठाकुर पक्षलाई छोडेर यादव पक्षमा आउनेहरुमा प्रमोद साह, अमृताच अग्रहरी, रानी मण्डल, नरमाया ढकाल रहेको बताइएको छ ।
उनिहरु यादव पक्षको बैठकमै सहभागी भएका हुन् । अर्का सांसद रुही थारुले आफू काठमाडौं बाहिर भएकाले बैठकमा आउन नसकेको जानकारी गराएको ठाकुर पक्षका नेता मृगेन्द्रसिंह यादवले बताउनुभयो ।
