काठमाण्डौ २, साउन । नेपाली काँग्रेस संसदीय दलको बैठक भोलि बस्ने भएको छ । प्रतिनिधिसभा पुनस्र्थापनापछि पहिलो पटक दलको बैठक बस्न लागेको हो । भोलि प्रतिनिधिसभा बैठक बस्नुअघि संसद भवन नयाँ बानेश्वरमा संसदीय दलको बैठक बोलाइएको काँग्रेस संसदीय दलका सचेतक पुष्पा भुसालले जानकारी दिनुभयो ।
सर्वोच्च अदातलको आदेश अनुसार सरकारले ३ साउनमा प्रतिनिधिसभा बैठक बोलाइसकेको छ । यसअघि प्रमुख प्रतिपक्षी दलको हैसियतमा रहेको काँग्रेस अब सत्तारुढ दलका रुपमा संसदमा भूमिका निर्वाह गर्ने छ । सर्वोच्चले प्रतिनिधिसभा विघटन बदर गर्दै काँग्रेस सभापति शेरबहादुर देउवालाई प्रधानमन्त्री नियुक्त गर्न परमादेश दिए अनुसार देउवा प्रधानमन्त्री नियुक्त भइसक्नुभएको छ ।
