कास्की २७, असार । कोरोना भाइरस कोभिड १९ को संक्रमणबाट गण्डकी प्रदेशमा थप ७ जनाको ज्यान गएको छ । पछिल्लो २४ घण्टामा विभिन्न अस्पतालमा उपचाररत ७ जनाको मृत्यु भएको हो । गण्डकी प्रदेशका विभिन्न जिल्लामा ७ जना कोरोना संक्रमितको उपचारका क्रममा मृत्यु भएको प्रदेश स्वास्थ्य आपतकालिन कार्य सञ्चालन केन्द्रका संयोजक नवराज शर्माले जनाकारी दिनुभयो ।
मृत्यु हुनेहरुमा कास्कीमा २ ,तनहुँमा १,बागलुङ २, म्याग्दी १, स्याङजामा १ जनाको कोरोना संक्रमणका कारण मृत्यु भएको छ । पोखरा –१४ का ४९ वर्षीया पुरुष, पोखरा –२९ का ६२ वर्षीया पुरुष, स्याङजा वालिङ–५ का ३४ वर्षीय पुरुष र तनहुँ भानु–६० की ७७ वर्षकी महिला रहेको जनाइएको छ ।
यसैगरी म्याग्दी बेनी–१ की ८२ वर्षकी महिला, बागलुङ तमानखोला–१ की २३ वर्षीय महिला, बागलुङ नगरपालिका–१२ की ४८ वर्षीया महिलाको पनि उपचारका क्रममा अस्पतालमा मृत्यु उहाँले बताउनुभयो ।
