गोरखाा २१ असार । गोरखा नगरपालिका–१४ र नहुँको आँबुखैरेनी गाउँपालिका–२ एक्लेफाँट जोड्ने झोलुङ्गे पुलको लठ्ठा काटिएको छ । गएको बिहिबार राती आएको पानीले नदीमा पानीको बहाव बढेपछि पुलमा क्षति पुर्याएको थियो । पुल नदीमा डुवेपछि पुल मुनीका बस्तीका थप जोखिमको आँकलन गरि झोलुङ्गेको लठ्ठा काटिएको जिल्ला प्रसासन कार्यालय तनहुँका निमित्त प्रमुख जिल्ला अधिकारी चित्राङ्गत बरालले जानकारी दिनुभयो ।
पुलमा थप जोखिम हुन नदिन लठ्ठा काटिएको उहाँको भनाई छ । बाढीले तनहुँतर्फको पुलको भाग भासिएर नदीमा पुगेको थियो । “पुल मर्मत नभइञ्जेल थप जोखिम हुन नदिन पुलको लठ्ठा काटिएको छ”, बरालले भन्नुभयो । पुलबाट दैनिक सयौँ सर्वसाधारण वारपार गर्दथे । गोरखास्थित अकला मन्दिर जाने बाटो पनि यही पुल थियो । पुल भत्किएपछि सर्वसाधारणलाई आवतजावतमा समस्या भएको छ ।
