पोखरा ५, असार। गण्डकी प्रदेशमा गठबन्धनमा मन्त्रालय भागबण्डा मिलेको छ । काग्रेसको नेतृत्वमा बनेको सरकारमा कुनदलले कति मन्त्रालय लिने मन्ने टुङगो नहुदा दलहरु बिच मन्त्रालय बाडफाँडमा समस्या हुदै आएको थियो ।मुख्यमन्त्री कार्यलयसहित ११ मन्त्रालय रहेको गण्डकीमा नेपाली कांग्रेस र नेकपा ९माओवादी केन्द्र०ले ४–४ मन्त्रालय पाउने भएका छन् ।
कांग्रेसले मुख्यमन्त्रीसहित ४ मन्त्रालय पाउने भएको हो । काग्रेसबाट यस अघि एक मन्त्री बनिसकेकाले अब थप २ जना मन्त्री थपिने छन् । माओवादी केन्द्रबाट अब ३ जना मन्त्री थपिनेछन् । यसअधि मधुमाया अधिकारी गुरुङ मन्त्री बनिसक्नु भएको छ । । त्यस्तै दुई मात्र सांसद रहेको जसपाबाट दुवैजनामन्त्री बन्ने पक्का भएको छ । जसपाबाट हरीशरण आर्चायले मन्त्रीको सपथ लिईसक्नुभएको छ ।
माओवादी केन्द्रका एक नेताका अनुसार जनता समाजवादी पार्टीका २ जना सांसद नै मन्त्री बन्ने भएका छन् । हरिशरण आचार्य यसअघि उक्त दलबाट मन्त्री बनिसकेका छन् । उक्त दलबाट गत शनिबार शपथ लिन नपाएको भन्दै धनमाया पोखरेल (लामा)ले असन्तुष्टि जनाउदै मन्त्री हुन नपाए गठबन्धन स्विकार गर्न नसक्ने चेतावनी समेत दिदै आउनुभएको थियो ।
स्वतन्त्र सांसद राजीव गुरुङ‘दीपक मनाङे’ले पनि मन्त्रीको शपथ लिइसकेका छन् । गत शनिबार मुख्यमन्त्री पोखरेलसहित मन्त्रीको शपथ लिएका सबैलाई बिना विभागीय मन्त्री बनाइएको थियो ।
