गोरखा ४, जेठ । गोरखा नगरपालिका वडा नम्बर १२ को छाप गाउँमा कोरोना सङक्रमितको संख्या बढ्न थालेपछि वडा कार्यालय सिल गर्न सिफारिस गरिएको छ । तारानगर स्वास्थ्य चौकीको आज बसेको वैठकले वडालाई तत्काल सिल गर्न नगरपालिकालाई सिफारिस गर्ने निर्णय गरेको हो ।
जिल्ला भरी निषेधाज्ञा भएपनि यस क्षेत्रमा विकास निर्माणका काम भन्दै निस्फिक्रि सवारी साधनहरु सञ्चालन हुँदै आइरहेका छन् । यहाँका बजारहरु घाम रहँदा सम्म खुल्ने र रात परेपछि बन्द हुँदै आएका छन् ।
बन्दलाइ कडा गर्न प्रहरीलाइ अनुरोध गर्ने, अक्सिमिटरका लागि सम्बन्धित निकायमा माग गर्ने, सङक्रमितहरुलाइ आवश्यक स्वास्थ्य सामग्री दिने र वडा सिल गर्न नगरपालिकालाइ अनुरोध गर्ने निर्णय भएको समितिका एक सदस्यले बताए ।
