बुटवल १९, बैशाख । अबिश्वासको प्रस्तावमा छलफल अघि बढ्नै लागेका बेला लुम्बिनी प्रदेशका मुख्यमन्त्री शंकर पोखरेलले राजीनामा दिनुर्भएको छ। उहाँले आइतबार प्रदेश प्रमुख समक्ष पदबाट राजीनामा दिनुभएको हो । मुख्यमन्त्री पोखरेलले बिहान प्रदेश प्रमुख धर्मनाथ यादवलाई भेटेर राजीनामा दिएको प्रदेश प्रमुख कार्यालय स्रोतले जनाएको छ ।
मुख्यमन्त्री पोखरेलका विरुद्ध गत वैशाख ६ गते प्रदेश सभा सचिवालयमा नेपाली कांग्रेस, माओवादी र जसपाका ५ नेतासहित ४१ जनाले अविश्वास प्रस्ताव दर्ता गरेका थिए। भावी मुख्यमन्त्रीमा नेकपा माओवादी केन्द्रका कुलप्रसाद केसीलाई प्रस्ताव गरिएको सो प्रस्तावमा आइतबार सुरु हुने विशेष अधिवेशनमा छलफल प्रारम्भ हुँदै थियो।
