गोरखा ९, चैत । गोरखा नगरपालिका–१० छेवेटार स्थित दरौंदी नदी क्षेत्रमा करेन्ट लगाएर माछा मार्ने कार्यमा संलग्न ३ जनालाई प्रहरीले पक्राउ गरेको छ । पक्राउ पर्नेमा पालुङटार न।पा। वडा नं। १ बस्ने बर्ष ३१ का बिमल गुरुङ, बर्ष २३ का सुजन कुमाल र बर्ष २६ का गणेश नगर्ची रहेको प्रहरीले जनाएको छ ।
दरौदी नदीमा अवैध रुपमा करेन्ट लगाई माछा मारेको भन्ने गोप्य सूचना प्राप्त भएपछि प्रहरीको टोली घटनास्थल तर्फ खटिएको थियो । सो क्रममा अवैध तरिकाले माछा मार्न प्रयोग हुने उपरकरण ब्याट्री लगायतका सामानहरु सहित नदी किनारमा हिडी रहेको अवस्थामा फेला पारी सोधपुछ गर्दा डिउटीमा खटिएको प्रहरीसंग नै वादविवाद गरी बाधा अवरोध समेत पुर्याएकोले उनिहरुलाई पक्राउ गएिको प्रहरीको भनाई छ
। पक्राउ परेको तिनै जना बिरुद्ध सोमबार सार्वजनिक शान्ति विरुद्धको कसूर मुद्दा दर्ता गरी अनुसन्धाना अघि बढाइउको प्रहरीले जनाएके छ ।
