काठमाण्डौं ५, चैत । नेकपा एमाले माधव नेपाल पक्षको काठमाण्डौंमा बुधबारदेखि सुरु भएको २ दिने राष्ट्रिय भेलाले १७ बुदेँ घोषणा पत्र पारित गरेको छ । भेलाले कोरोना संक्रमणका बेला औषधी खरिद प्रकरण भएको भ्रष्टाचारको तत्काल छानविन गरि दोषी माथि कारवाही गर्न माग गरेको छ ।
त्यस्तै राष्ट्रिय हित बिपरित सरकारले गरेको बिभिन्न किसिमका सम्झौताहरु आफुहरुलाई मान्य नहुने भन्दै तत्काल खारेज गर्न भेलाले प्रस्ताव पारित गरेको पार्टीका प्रचार बिभागका उपप्रमुख बिष्णु रिजालले जानकारी दिनुभयो । भेला पछि आयोजित पत्रकार सम्मेलनमा बोल्नुहुदै पार्टीका प्रचार बिभागका प्रमुख योगेस भट्टराई अब तत्काल तल्ला स्तरका कमिटिहरुमा भेलाको आयोजना गर्ने निर्णय भएको जानकारी दिनुभयो ।
उहाँले भन्नुभयो, अब गएको जेठ २ गतेको कमिटिलाई आधार मानेर जिल्ला गाउँपालिका, टोलसम्म पनि भेला हुन्छ यसले पार्टी कमिटिलाई थप सुदृढ बनाउदै अघि बढ्नेछौ । भट्टराईले प्रधानमन्त्री ओलीले बार्ताको ढोका बन्द गरेर केपी ओलीले निरंकुश शैली अपनाएको बताउनुभयो ।
