गोरखा १४, फागुन । हिमचुली बचत तथा ऋण सहकारी संस्था लि गोरखाको अपाङ्गता भएका व्यक्तिहरुका लागि सहकारी शिक्षा एबं अपाङ्गता हकअधिकार सम्बन्धी अन्तरक्रिया कार्यक्रम सम्पन्न गरेको छ । सहकारीले आफ्नो २८ औं स्थापना दिवसको अवसरमा शुक्रबार अन्तरक्रिया कार्यक्रमको आयोजना गरेको हो ।
कार्यक्रममा गोरखा नगरपालिका भित्र रहेका अपाङ्गता भएका व्यक्तिहरुलाई सहकारी र यसको महत्वको बिषयमा जानकारी प्रदान गरिएको संस्थाले जनाएको छ र अन्तरक्रिया कार्यक्रममा हिमचुली बचत तथा ऋण सहकारी संस्था लि गोरखा अध्यक्ष रामबाबु श्रेष्ठले सहकारी र सहकारीले आपाङ्गता भएका व्यक्तिहरुलाई दिन सक्ने सेवा सुविधा लगायतका बिषयमा सहजिकरण गर्नु भएको आयोजकले जनाएको छछ ।
त्यस्तै अपाङ्गता भएका व्यक्तिहरुका लागि नेपालको कानुनले व्यवस्था गरेका अधिकारको सवाल लगायतका बिषयमा अधिबक्ता पवित्रा शर्माले सहजीकरण गर्नुभएको संस्थाले जनाएको छ । कार्यक्रम हिमचुली बचत तथा ऋण सहकारी संस्था लिका कार्यसमिति सदस्य तथा शिक्षा उपसमितीका सदस्य अमृत वि कको अध्यक्षता सम्पन्न होे । संस्थाले प्रत्येक फागुन १५ गते स्थापना दिवस बनाउँदै आएको छ । स्थापना दिवसको अबसर पारेर सहकारीले हरेक बर्ष सामाजिक क्रियाकलाप गर्दैै आएको सहकारीले जनाएको छ ।
