गोरखा १३, फागुन । जनयुद्धका क्रममा शहादत प्राप्त गर्नुभएका शहिद कुमार बरामको २० औं स्मृति दिवसको अबसरमा गोरखाको बारपाकमा शहिद कुमार बराम कप फुटवल प्रतियोगिताको आयोजना भएको छ । स्मृति दिवसको अबसरमा यही फागुन ८ गतेबाट शुरु भएको प्रतियोगिता बुधबार सम्पन्न भएको हो ।
प्रतियोगिताको छोप्राकको युवा क्लवले जितेको छ भने आयोजक टिम मैनडाँडा युवा क्लव डाँडा गाउँले उपबिजेतामा चित्त बुझाउन बाध्य भएको छ । प्रतियोजितामा उपाधी जित्न सफल टिमलाई रु ५० हजार रुपैया नगर मेडल तथा उपबिजेतालाई रु २५ हजार रुपैया सहित मेडल प्रदान गरिएको आयोजकले जनाएको छ ।
प्रतियोगिताको समापनसंग आयोजित स्मृतिसभामा नेपाल कम्युनिष्ट पार्टी (नेकपा) गण्डकी प्रदेश कमिटी सदस्य एवं बारपाक सुलिकोट गाउँपालिकाको अध्यक्ष बिष्णु प्रसाद भट्टको सहिदहरुको बलिदानीबाट प्राप्त उपलब्धीलाई संस्थागत गर्न सवै लाग्नु पर्नेमा जोडदिनुभयो । समापन कार्यक्रममा नेकपा बारपाक सुलिकोट गाउँपालिका अध्यक्ष नरबहादुर गुरुड लगायतले सम्बोधन गर्नुभएको थियो ।
