गोरखा ६, फागुन । कोरोना संक्रमणको बिरुद्ध उच्च जोखिम मोलेर पत्रकारिताको क्षेत्र योगदान पुर्याए बापत नागरिक दैनिकका गोरखा जिल्ला संवाददाता नरहरि सापकोटालाई पुरस्कृत गरिएको छ । नेपाल पत्रकार महासंघले आफ्नो २६ औं महाधिवेशनको अबसरमा सापकोटालाई बुधबार पुरस्कृत गरेको हो ।
एनआरएनए अष्ट्रेलियासँगको सहकार्यमा स्थापित पुरस्कारबाट सापकोटालाई पुरस्कृत गरिएको महासंघले जनाएको छ । पत्रकार सापकोटा महासंघ गोरखा जिल्लाका सचिव समेत हुन्। उनि रेडियो गोरखा र दरौदी दैनिक पत्रिकामा समेत आबद्ध छन् ।
