गोरखा २३, माघ । गोरखाको अर्को एक गाउँपालिकामा पनि बाँदर धपाउने उपकरण बितरण गरिएको छ । जिल्लाको आरुघाट गाउँपालिकाले आफैले खरिद गएर ल्याएर किसानहरुलाई ठूलो आवाज आउने बाँदर धपाउने उपकरण बितरण गरे लगत्तै अजिरकोट गाउँपालिका वडा नम्बर ३ मा पनि परीक्षण स्वरुप उपलब्ध गराइएको हो ।
गाउँपालिका भित्र लगाईएका खेतीबाली, तरकारी, फलफुल बाँदरले खाईदिने भएपछि चिन्तित बनेका किसानले बाँदर धपाउने यन्त्र माग भएपछि परीक्षण स्वरुप पहिलो चरणमा १० वटा उपकरण बितरण गरिएको वडाध्यक्ष तयाराज गुरुङले जानकारी दिनुभयो । बाँदर धपाउन उपकरण प्रभावकारी बने थप झिकाएर बितरण गर्ने योजना रहेको उहाँले बताउनुभयो ।
