गोरखा २१, माघ । गोरखा २१, माघ । गोरखाको पालुङटार नगरपालिका प्रहरीको कुटाईबाट ट्याक्टर चालक गम्भीर घाइते भएका छन् । बुधबार बिहान मध्य पहाडी राजमार्गमा पर्ने चेपे र मिर्दी खोलाको बिच भागमा क्रसरबाट ढुङ्गा लिएर भन्डारथोक जादै गरेका ट्याक्टरका चालक रामबहादुर बर्खेलमाथी प्रहरीले निर्धात कुटपिट गरेका हुन् ।
सादा पोशाकमा रहेका इलाका प्रहरीले कार्यलय ठाटिपोखरीका प्रहरी हवलदार टोपबहादुर थापाले उकालोबाटोमा आफुले रोक भनेको बेलामा ट्याक्टर नरोकेको भन्दै चालक बर्खेलमाथी कुटपिट गरेको पिडितले बताएका छन् ।
प्रहरी हवल्दार थापाको कुटाईबाट चालक बर्खेलेको टाउको र आँखा गम्भीर चोट लागेको छ । घाइते बर्खेललाई तत्काल उपचारका लागि भरतपुरमा पठाइएको स्थानीयबासी केशव न्यौपानले जानकारी दिनुभयो ।प्रहरीको कुटाईबाट जोगिन बस कुरेर बसेका नजिकै रहेका महिलाको पछाडी भाग्दा समेत उनले बर्खेललाई थुतेर कुटेका थिए ।
