काठमाण्डौ ४, माघ । नेपाल पत्रकार महासंघको कन्द्रीय साधारणसभा फागुनको ४ र ५ गते हुने भएको छ । सिन्धुपाल्चोकको हेलम्बु शेर्माथानमा बसेको केन्द्रीय समितिको बैठकले यस्तो निर्णय गरेको हो ।
साधारणसभा सकिएको एक महिनापछि अधिवेशन गर्ने पनि बैठकले निर्णय गरेको छ । देशको बदलिँदो राजनीतिक परिवेशमा प्रेस स्वतन्त्रताको रक्षाका लागि सबैलाई अपिल गर्ने निर्णय गरिएको बैठकपछि अध्यक्ष गोविन्द आचार्यले जानकारी दिनुभयो ।
