गोरखा २८, पुस । २९९औं पृथ्वी जयन्तीको अवसरमा गोरखा नगरपालिकाको आयोजना तथा बिभिन्न संघ संस्थाको समन्वयमा ३ दिनसम्म भएको बिभिन्न कार्यक्रममा बिजयी प्रतियोगितहरुलाई आज पुरस्कार प्रदान गरिएको छ । सदरमुकाममा आज एक कार्यक्रमको आयोजना बिजयी खेलाडी तथा प्रतिस्पर्धीहरुलाई पुरस्कार तथा सम्मान गरिएको हो । दिवसको अबसरमा हिजो आयोजित खुल्ला दौडमा प्रतियोगितामा प्रथम हुन सफल नेपाली सेनाका रामजी बस्नेतलाई प्रमाण पत्र सहित १५ नगद हजार प्रदान गरिएको नगरपालिकाले जनाएको छ ।
त्यस्तै गरी दोस्रो र तेस्रो हुने सुनिल थापा र पुर्णबहादुर गुरुङलाई क्रमश.१० हजार र ५ हजार नगद र प्रमाण पत्र प्रदान गरिएको हो । सोही दौडमा सान्त्वना हुने सरोज योगी र सुमन मल्ल तथा महिला तर्फ पवित्रा बयलकोटी र र्सिजना पौडेल जनही २ हजार र प्रमाण पत्र प्रदान गरिएको थियो । दौडमा ५० जनाले सहभागीता जनाएको र सबैलाई प्रमाण पत्र प्रदान गरिएको नगरपालिकाले जनाएको छ ।
त्यस्तै गरी गोरखा जेसिज गोरखाको समन्वयमा आज आयोजना गरिएको ‘नेपाल एकिकरणमा पृथ्वीनारायण शाहको योगदान’ बिषयक बक्तृत्वकला प्रतियोगितामा प्रथम हुन सफल महालक्ष्मी मावि लक्ष्मीका सरोजबावु घिमिरे लाई प्रमाण पत्र र नगद ५ हजार पुरस्कार प्रदान आयोजनकले जनाएको छ ।
मावि स्तरीय बतृत्वकला प्रतियोगितामा ११ वटा बिधालयले सहभागिता जनाएका थिए । प्रतियोगितामा द्रब्यशाह बहुमुखी क्याम्पस लक्ष्मी बजारकी छात्रा बिपना गान्धारी दोस्रो र महेन्द्र मावि कुन्दुरटारकी जेनिसा अंगाई तेस्रो हुनुभएको छ । उहाँहरुलाई क्रमस नगद ३ हजार र २ हजार सहित प्रमाण पत्र प्रदान गरिएको नगरपालिकाले जनाएको छ । त्यस्तै नगरपालिकाले आजै गोरखा नगरपालिका घर भई राष्ट्रिय तथा अन्तराष्ट्रिय स्तरको खेलमा सहभागी तथा पदक बिजेता खेलाडीहरुलाई समेत सम्मान गरेको छ ।
सम्मानित हुनेहरुमा एथलेटीक्स तर्फ टिका बोगटी, ज्ञानबहादुर बोहरा, सोमबहादुर कुमाल, दलबहादुर थापा र उत्तम केसी रहनुभएको छ । त्यस्तै गरी भारतोलन तर्फ रामकुमार श्रेष्ठ, सुटिङ तर्फ सरस्वती बाँनिया र जुडो तर्फ होमबहादुर थापा र ऋषीराम प्रधानलाई दोसल्ला र प्रमाण पत्र दिएर सम्मान गरिएको नगरपालिकाले जनाएको छ ।
त्यस्तै गरि गत बर्ष गण्डकी प्रदेश स्तरीय मेयरकप फुटबल प्रतियोगितामा बिजेता गोरखा नगरपालिकाका खेलाडीहरुलाई दोसल्लाह, प्रमाण पत्र र जनही १० हजार नगद प्रदान गरिएको नगरपालिकाले जनाएको छ । खेलमा सहभागी १८ जना नगरपालिकाले सम्मान गरेको हो ।
