गोरखा २६, पुस । नेपाल कम्युनिष्ट पार्टी (नेकपा) प्रचण्ड–नेपाल पक्षले संसद बिघटनको बिरुद्धमा जनतालाई जागरुक गराउन गोरखा सदरमुकाममा संबिधान बाचन गरेका छन् । प्रधानमन्त्री केपी शर्मा ओलीले गरेको संबिधान बिघटन असंबैधानिक भएको भन्दै नेकपाले संबिधानको धारा ७६ ले गरेको व्यवस्था पढेर नागरिकहरुलाई सुनाएका हुन् ।
पार्टीका केन्द्रीय सदस्य तथा जिल्ला कमिटीका सह–इन्चार्ज अमर तमुको नेतृत्वमा भएको संबिधान बाचन कार्यक्रममा नेता हरि काफ्लेले संबिधान धारा पढेर सुनाउनु भएको थियो । प्रधानमन्त्री केपी शर्मा ओली संबिधान अनुसार नै संसद बिघटन गरेको दावी गरिरहनु भएका बेला नेकपाले जनतालाई प्रष्ट पार्न सविंधान बाचन गरेको सुनाएको केन्द्रीय सदस्य एवं सह–इन्चार्ज तमुले बताउनुभयो । कार्यक्रमलाई सम्बोधन गर्नुहुदै उहाँले प्रधानमन्त्रीले संबिधानमा संबिधानमा दिएको बिकल्पको पालना नगरेको उल्लेख गर्नुभयो ।
‘संसदमा उपस्थित भएर आफुलाई बहुमत प्राप्त गर्ने प्रकारको बातावरण बनाउन त प्रधानमन्त्रीले चाहानु भएन भएन् आफ्नै संसदिय दलमा समेत बिश्वासको मत पनि लिन चाहानु भएन, नेता तमुले भन्नुभयो, ‘ सवै प्रकारको बिकल्पलाई कुल्चेर उहाँले संबिधानमा व्यवस्था नै नभएको काम गर्नुभयो ।’ प्रधानमन्त्री गरेको संसद बिघटन संबिधान माथिको ‘कू’, र संबिधान माथिको बलात्कार भएको नेता तमुले बताउनुभयो ।
उहाँले अझै पनि संबिधानको व्याख्या गर्ने अधिकार सर्वोच्च अदातलमा पुगेको भन्दै नेपाली जनताको लामो बलिदानीबाट प्राप्त उपलब्धीको रक्षा सर्वोच्च अदालतले गर्ने बिश्वास व्यक्त गर्नुभयो । प्रधानमन्त्रीले संबिधानमा हुदै नभएको व्यवस्थालाई हठातमा संसद बिघटन गरेको भन्दै यस बिरुद्ध फेरि पनि बलिदानी पूर्ण सर्घष गर्न तयार रहेको स्पस्ट पार्नुभयो ।
