गोरखा, १५, पुस । गोरखा जिल्लामा आज थप ६ जनामा कोरोना संक्रमणको पुष्टी भएको छ । गण्डकी प्रदेश स्वास्थ्य निर्देशनालयले जारी गरेको बिज्ञप्तिका अनुसार जिल्लाको गोरखा नगरपालिका, भीमसेन थापा गाउँपालिका र शहिद लखन गाउँपालिकामा संक्रमित थपिएका हुन् ।
बिज्ञप्तिमा गोरखा नगरपालिकाको वडा नम्बर ५ मा ३२ बर्षका एक पुरुष, वडा नम्बर ११ की ३७ बर्षकी एक महिलामा संक्रमण पुष्टी भएको उल्लेख छ । त्यस्तै शहिद लखन गाउँपालिका वडा नम्बर ७ मा ३७ बर्षका एक पुरुष र ३४ बर्षकी एक महिलामा संक्रमणको पुष्टी भएको छ ।
निर्देशनालयले जिल्लामा भीमसेन थापा गाउँपालिका वडा नम्बर १ र मा ४५ बर्ष र २७ बर्षका २ जना पुरुषमा पनि संक्रमणको पुष्टी भएको जनाएको छ । संक्रमित सवैको गण्डकी प्रदेश क्षयरोग उपचार केन्द्र पोखरामा स्वांब परीक्षणका क्रममा कोरोना देखिएको निर्देशनालयले जनाएको छ ।
