गोरखा, १५, पुस (रासस) । गोरखाको गण्डकी गाउँपािलका भित्रका ३० वटा सामुदायिक बिद्यालयहरुलाई ल्यापटप तथा टेलिभिजन प्रदान गरिएको छ । बिधालयहरुलाई प्रबिधिमैत्री बनाउन गण्डकी गाउँपालिका भित्रका ९ वटा माध्यामिक र २१ वटा आधारभूत बिद्यालयहरुमा ल्यापटप तथा टेलिभिजन बितरण गरिएको गाउँपालिका शिक्षा शाखाका प्रमुख सुदिप पन्तले जानकारी दिनुभयो ।
‘बिद्यालयमा आइटिसी सामग्री कार्यक्रम सञ्चालनका लागि सहजता प्रदान गर्न नेपाल युथ फाउण्डेसन र गण्डकी गाउँपालिकाको सहकार्यमा उक्त सामग्री उपलब्ध गराइएको हो, उहाँले भन्नुभयो, ‘फाउण्डेसनले सवै सामागी खरिद गरि प्रत्येक बिद्यालयलाई १/१ थान ल्यापटप र टेलिभिजन बितरण गरेको छ ।’ ल्यापटप र टेलिभिजन खरिदका लागि गाउँपालिकाले फाउण्डेसनलाई ५ लाख रुपैया उपलब्ध गराएको उहाँले बताउनुभयो ।
सामाग्री खरिदका लागि आबश्यक थप ३० लाख रुपैया फाउण्डेसनले व्यहोरेको प्रमुख पन्तको भनाई छ । ‘कोरोना संक्रमणका कारण बिद्यालयहरुमा अनलाईन कक्षाको बिकास गर्नुपर्छ भन्ने अनुभूति सवैलाई भएको छ, उहाँले भन्नुभयो, ‘कम्तीमा एउटा कम्युटर र एउटा टिभी उपलब्ध गराएका बिधालयमा एउटा आइटिसी कक्षा हुन्छ जहाँ बिधार्थीहरुले अनलाईन प्रबिधिको माध्यमबाट पढ्न पाउछन् ।’
उहाँले कम्युटर र टेलिभिजन उपलब्ध गराएका बिद्यालयहरुले अब अनलाइन प्रबिधिको प्रयोग गरि भिडियो मार्फत कक्षा सञ्चालन गर्न सक्ने अबस्था भएको बताउनुभयो । कम्युटर तथा टेलीभिजनको प्रयोगका लागि सवै बिधालयका कम्युटर शिक्षकलाई गाउँपालिकाले घण्टाको तालिम समेत दिएको उहाँको भनाई छ ।
‘सवै बिधालयका एक जना शिक्षकलाई तालिम समेत दिएर पठाइएको छ, प्रमुख पन्तले भन्नुभयो, ‘अझै नेपाल युथ फाउण्डेसनको तर्फबाट पनि सवै बिधालयमा पुगेर जडान तथा चलाउनु पनि सिकाउने व्यवस्था समेत गरिएको छ ।’
ति बिद्यालयहरुलाई ग्लोवल समाज जापानको सहयोगमा प्रत्येक बिधालयलाई १÷१ थान थर्मल गन समेत उपलब्ध गराएको शाखा प्रमुख पन्तले जानकारी दिनुभयो ।
