गोरखा ११, पुस । गोरखाको बारपाक सुलिकोट गाउँपालिका–४ थानिथानमा ट्याक्टर दुर्घटनामा परि एकजना गम्भीर घाइते भएका छन् । थानिथान स्थित सडकको भित्र खण्डमा ना ६ त ५८६३ नम्बर ट्याक्टर दुर्घटनामा परेको गण्डकी प्रदेश प्रहरी कार्यालयले जनाएको छ ।
दुर्घटनामा ट्याक्टरका चालक गोरखाको सिराचोक गाउँपालिका वडा नम्बर ६ नयाँसाँघु घर भएका २४ बर्षका रोसन परियार घाइते हुनुभएको हो । दुर्घटना हिजो भएपनि आज मात्र घटना बारेमा थाहा भएको थियो । ट्याक्टर सडकबाट करिब ८० मिटर तल खसेको प्रहरीको भनाई छ ।
दुर्घटनाको जानकारी पाएपछि घटनास्थलमा ट्याक्टर चालक घाइते अबस्थामा फेला परेका थिए । घाइतेको अहिले चितवन मेडिकल कलेजमा उपचार भइरहेको जनाइएको छ। घटनाको थप अनुसन्धान भइरहेको प्रहरीले जनाएको छ ।
