गोरखा २८, मङ्सिर । गोरखामा आईतबार बिहान एक युवकले भुण्डिएर आत्माहत्या गरेका छन् । तनहुँ घर भई गोरखा सदरमुकामको अस्पताल चोक नजिकै डेरा गरि वस्ने वर्ष २६ बर्षक बिक्रम मगरले आफै बस्ने घरमा भुण्डिएर आत्मा हत्या गरेको अबस्थामा भेटिएको प्रहरीले जनाएको छ ।
भाडामा बस्दै आएका मगर घरको भर्याङ रेलिङमा नाम्लोको पासो लगाइ झुन्डिएको अवस्थामा फेला परेको हो । बिहान करिब साढे ७ बजेतिर घरमा बस्ने अरु मान्छे बाहिर निस्कन लाग्दा मगरलाई झुण्डिएको अवस्थामा भेटिएको जनाइएको छ ।
मृतक मगर सदरमुकाम स्थित एक ग्रील उद्योगमा काम गर्दै आएका थिए । घटनाको थप अनुसन्धान भइरहेको प्रहरीले जनाएको छ ।
