वीरगञ्ज २१, मङ्सिर । पर्सामा मह काढ्न रुख चढेका एक युवकको लडेर मृत्यु भएको छ । जिल्लाको ठोरी गाउँपालिका (४ मा माहुरीको मह काढ्न गएका एक युवकको मृत्यु भएको छ । वडा(४ सुन्दरटोलका ३२ वर्षीय धावा भनिने दावा बोम्जनको रुखबाट खसेर मृत्यु भएको हो ।
वन माहुरीको मह काढ्न रुख चढेका उनको खसेर मृत्यु भएको इलाका प्रहरी कार्यालय ठोरीका प्रहरी निरीक्षक अशोक साहले जानकारी दिनुभयो । प्रहरी निरीक्षक साहका अनुसार बिहान १ बजे माहुरीको मह काढेर रुखबाट झर्ने क्रममा एक्कासी खस्दा उनी गम्भीर घाइते हुनुभएको थियो।
गम्भिर घाइते भएका उहाँको उपचारका लागि वीरगञ्ज लैजाँदै गर्दा बाटोमा नै मृत्यु भएको साहले बताए । शव पोस्टमार्टमका लागि नारायणी अस्पताल लगिएको प्रहरीले जनाएको छ ।
