गोरखा ११, मङ्सिर । भारतीय विदेश सचिव हर्षवद्र्धन श्रृंगला भोली गोरखा आउनु हुने भएको छ । भारतीय सहयोगमा बनेका जिल्ला भित्रका निजी घर तथा विद्यालयको उद्घाटनका लागि श्रृगाला गोरखा आउन लाग्नु भएको हो ।
गोरखामा २६ हजार ९१२ घर बनाउने प्रधानमन्त्री मोदीको प्रतिवद्धता अनुसार २५ हजार ५ घर बनिसकेको छ भने ३ वटा विद्यालय पुनःर्निर्माण सम्पन्न छ । श्रृंगला भोली गोरखा नगरपालिकामा रहेका श्री महालक्ष्मी माध्यामिक बिधालय, , श्री रत्नलक्ष्मी माध्यामिक बिधाललय र श्री तारा माध्यामिक बिधालयको उद्घाटन गर्ने कार्यक्रम रहेका जनाइएको छ ।
उहाँले महालक्ष्मी माध्यामिक बिधालयको परिसर लक्ष्मीबजारबाट उक्त तीन विद्यालयको उद्घाटन गर्नुहनेछ । मध्यान्ह्र साढे १२ बजे गोरखा सदरमुकामको कार्यक्रम सके लगत्तै उहाँ मनाङ जाने कार्यक्रम तय भएको स्रोतले जनाएको छ ।
