काठमण्डौ ११, मङ्सिर । पछिल्लो २४ घण्टामा थप १ हजार ६ सय १४ जनामा कोरोना भाइरस सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ९ हजार ४ सय ९१ जनाको परीक्षण हुँदा १ हजार ६ सय १४ जना सङ्क्रमित भेटिएका हुन् ।
हालसम्म नेपालमा कोरोना सङ्क्रमितको संख्या २ लाख २७ हजार ६ सय ४० रहेको छ । पछिल्लो २४ घण्टामा कोरोना भाइरस सङ्क्रमणमुक्त हुनेको संख्या १ हजार ४ सय ३७ रहेको छ ।
हालसम्म सङ्क्रमणमुक्त हुनेको संख्या २ लाख ९ हजार ४ सय ३५ रहेको छ । नेपालमा हाल कोरोना भाइरसको सक्रिय सङ्क्रमितको संख्या १६ हजार ७ सय ९३ रहेको छ ।
