गोरखा २८, कात्तिक । गोरखाको बिकट गाउँ धार्चे गाउँपालिका– ५, सिङ्लामा ७५ क्विन्टल खाद्यान्य बितरण गरिएको छ । तिहारका बेला पर्व मनाउन समस्या परेकाहरुका लागि हिमाली साथि फाउण्डेसनको समन्वयमा सहयोगमा चामल, नुन तेल लगायतका खाद्य सामग्री बितरण गरिएको संस्थाका अध्यक्ष धनबहादुर गुरुङले जानकारी दिनुभयो ।
फाउण्डेसनले सिङ्लामा ३० किलो ग्राम दरका २५० बोरा चामल बितरण गरेको उहाँले बताउनुभयो । गाउँमा रहेका बृद्धाबृदा, असक्त, अपांगताका परिवारलाई लक्षित गरि सहयोग उपलब्ध गराएको उहाँले बताउनुभयो ।
फ्रान्सका नागरिकको आर्थिक सहयोगमा स्थानीयलाई खाद्यान्य बितरण गरिएको हो, अध्यक्ष गुरुङले भन्नुभयो, फाउण्डेसनले यस अघि पनि सिङ्लाका बिपन्न परिवारलाई पटक पटक खाद्यान्य उपलब्ध गराउदै आएको छ ।’ चाडवाडका बेला खाद्यान्य सहयोग पाएपछि त्यहाँ बिपन्न, असाहाय, बृद्धबदा समेत खुशी भएका छन् ।
