गोरखा २५, कात्तिक । गोरखामा बलात्कृत भएर सात महिनाको गर्भ बोकेकी बालिका न्याय खोज्दै प्रहरीमा पुगेकी छिन् । गएको बैशाख ११ गते १४ बर्षकी एक बालिकाले आफु बलात्कृत भएर गर्भवती भएको भन्दै न्याय खोज्दै प्रहरीमा पुगेकी हुन् । गोरखा नगरपालिका ८ स्थित डेरा नजिकैको पखेरामा तरकारी टिप्न गएकी उनलाई स्थानीय तुलबहादुर थापाले आफुलाई जबरजस्ती करणी गरेको प्रहरीमा जाहेरी दिएकी छिन् ।
प्रहरी स्रोतले भन्यो, ‘न्युरो टिपिदिने, कापी, कलम, लुगा किनिदिने भनेर फकाए’, पिडित ‘अनि करणी गरे, बालिकाले बयानमा भनेकी छिन्।’ डरधम्कीका कारण उनले घटना बारे कसैलाई नभनेको पनि प्रहरीलाई बताएकी छिन् । भारत घर भई लामो समयदेखि बुबा आमासित गोरखामा बस्दै आएकी बालिकालाई ५९ बर्षका थापाले घटना बारे कसैलाई नभन्न भनेपछि लुकाएर राखेकी थिइन् ।
घटना बारे परिवारले थाहा पाएपछि जबर्जस्ती करणी गरेका थापाविरुद्ध कारबाही गर्न माग गर्दै पिडितका बुबाले सात महिनापछि कात्तिक २३ गते आइतबार थापाविरुद्ध जिल्ला प्रहरी कार्यालयमा जाहेरी दिएकी थिईन् ।
