कात्तिक १६ । मोटरसाईकल ओभरटेक गर्न खोज्दा भएको दुर्घटनामा परी चितवनको भरतपुरमा एक जनाको मृत्यु भएको छ भने एक जना गम्भीर घाइते भएका छन् ।
भरतपुर महानगरपालिका १२ स्थित मिलनचोकमा ग्याँस बुलेटमा मोटरसाइकल ठोक्किदा मोटरसाइकल पछाडी बसेका राप्ती नगरपालिका ५ बस्ने २४ वर्षिय मनोज सुनारको मृत्यु भएको जिल्ला प्रहरी कार्यलय चितवनले जानकारी दिएको छ । मोटरसाइकल चालक ४८ बर्षिय खडक बहादुर सुनार घाइते भएका छन । मृत्यु हुने छोरा र घाइते हुने बाबु रहेको प्रहरीले जनाएको छ ।
पुर्वपश्चिम लोकमार्गमा टाँडी बाट भरतपुर तर्फ आउदै गरेको नम्बरको ग्यास बुलेटमा सोही दिशाबाट आउँदै गरेको ना ४२ प ९७१५ नम्बरको मोटरसाइकलले ओभर टेक गर्ने क्रममा ग्यास बुलेटको बिच भागमा ठोकीन गई दुर्घटना भएको जिल्ला प्रहरी कार्यालय चितवनका प्रवक्ता सूर्य थापाले जानकारी दिनुभयो ।
