काठमाण्डौ १५,कात्तिक । इण्डियन प्रिमियर लिग क्रिकेट आईपीएलमा मुम्बई इण्डियन्सले दिल्ली क्यापिटलमाथि ९ विकेटको शानदार जित हात पारेको छ । आईपीएल १३ मा मुम्बईको यो नवौं जित हो भने दिल्लीको छैटौं हार हो। बलिङमा उम्दा प्रर्दशन गर्दै दिल्लीलाई ११० रनमा समेटेको मुम्बईले ब्याटिङमा पजि शानदार खेल देखायो ।
१५औं ओभरमा मात्र एक विकेट गुमाएर लक्ष्य भेट्टायो । उसका लागि इशान किशनले नटआउट ७२ रन बनाए । उनले क्विन्टन डिककसँग मिलेर राम्रो सुरुवात गरेका थिए । पहिलो विकेटका लागि ६८ रनको साझेदारी गरेर डिकक व्यक्तिगत २६ रनमा आउट भए । तर इशानको शानदार प्रदर्शन कायमै रहृयो ।
३७ बलमा अर्धशतक पुरा गरेका उनले १५औं ओभरको दोस्रो बलमा छक्का हानेर मुम्बईलाई जित दिलाए ।यसअघि जसप्रित बुमराह र ट्रेन्ट बोल्डको बलिङमा मुम्बई, दिल्लीमाथि हावी भएको थियो ।
