काठमाण्डौं ११, कात्तिक । नेपालमा कोरोना संक्रमितको संख्यामा पछिल्लो समय कमी आउन थालेको छ । पछिल्लो २४ घन्टामा देशभर कुल ५ सय ७० जनामा मात्र संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । मन्त्रालयले आफ्नो वेबसाइट मार्फत दिएको जानकारी अनुसार पछिल्लो २४ घन्टामा कोरोनामुक्त भएर ३ हजार १ सय ६८ जना डिस्चार्ज भएका छन् ।
यसअघि आइतबार र सोमबार पनि अघिल्लो केही दिनको तुलनामा संक्रमितको सख्यामा कमी आएको मन्त्रालयको तथ्याङमा उल्लेख छ । यो सगै नेपालमा कोरोना संक्रमितको संख्या १ लाख ६० हजार ४ सय पुगेको छ ।त्यस्तै नेपालमा हालसम्म कोरोनामुक्त हुनेको संख्या १ लाख १८ हजार ८ सय ४३ जना पुगेको छ ।
