गोरखा २८ असोज । गोरखामा आज एकैदिन १६ जना कोरोना संक्रमित थपिएका छन् । जिल्लाको गण्डकी गाउँपालिकाका वडा नम्बर ७, ८ र ९ मा ५ जना महिला र ११ जना पुरुषमा संक्रमणको पुष्टी भएको गण्डकी प्रदेश स्वास्थ्य निर्देशनालयले जनाएको छ ।
संक्रमण पुष्टी भएकाहरुमा वडा नम्बर ७ का ३६, २९, ५०, र २७ बर्षकी ४ जना महिला र ५०, ३८, ५० ५७ र ४२ बर्षका ५ पुरुष रहेका छन् । त्यस्तै वडा नम्बर ८ मा २० बर्षका एक पु्रुषमा बुधबार संक्रमणको पुष्टी भएको निर्देशनालयका निर्देशक डा. बिनोदबिन्दु शर्माले जानकारी दिनुभयो ।
निर्देशनालयका निर्देशक शर्माका अनुसार गण्डकी गाउँपालिकाकै वडा नम्बर ८ मा २८ ३७ र २४ बर्षका ३ पुरुष र ३६ बर्षका एक महिलामा पनि संक्रमणको पुष्टी भएको छ । संक्रमण पुष्टी भएका सवै कन्ट्रयाक्ट ट्रसिङका क्रममा पहिचान भएको निर्देशनालयले जनाएको छ ।
