तत्कालका लागि टर्यो कणार्ली प्रदेशका मुख्यमन्त्री शाही माथिको अविश्वासको प्रस्ताव

काठमाण्डौ २८ असोज । कर्णाली प्रदेशका मुख्यमन्त्री महेन्द्रबहादुर शाहीमाथिको अविश्वास प्रस्ताव तत्कालका लागि टरेको छ । अविश्वास प्रस्तावमा हस्ताक्षर गरेका नेकपाका भित्रका माधव नेपाल समूहका ७ साँसद पछि हटेपछि तत्कालका लागि संकट टरेको हो ।

पार्टी अध्यक्ष पुष्पकमल दाहाल र वरिष्ठ नेता माधवकुमार नेपालको निर्णय लिएर केन्द्रीय सदस्य नीरज आचार्यले उनीहरुलाई हस्ताक्षर फिर्ता लिन मनाएका थिए । प्रधानमन्त्री केपी शर्मा ओलीको तर्फबाट संसदीय दलका उपनेता सुवास नेम्वाङले ओली पक्षका सांसदलाई हस्ताक्षर फिर्ता लिन टेलिफोन मार्फत आग्रह गरेको भएता पनि फिर्ता लिन आनाकानी गरिरहेका छन्

नेपाल पक्षका सांसदहरु मंगलबार असन्तुष्ट पक्षले बोलाएको संसदीय दलको बैठकमा समेत सहभागी भएनन् । शाहीविरुद्ध अविश्वास प्रस्ताव ल्याएपछि अध्यक्ष पुष्पकमल दाहालले नेता माधवकुमार नेपाल र प्रधानमन्त्री समेत रहेका केपी शर्मा ओलीलाई भेटेर समस्या समाधानका लागि आग्रह गरेका थिए । पक्षधरका सांसदहरूसँग छलफल गरेका थिए ।