गोरखा २६, असोज ।गोरखाको २ स्थानिय तहका ३ जनाले कोरोनालाई जितेर घर फर्किएका छन् । जिल्लाको गोरखा नगरपालिका र बारपाक सुलिकोट गाउँपालिकाका ३ जनालाई आज डिस्चार्ज गरिएको गोरखा अस्पतालले जनाएको छ ।
१४ दिन आइसोलेसनमा बसेको र राष्ट्रिय जन स्वास्थ्य प्रयोगशाला काठमाण्डौं र प्रदेश जन स्वास्थ्य प्रयोगशाला पोखरामा गराईएको स्वाब परिक्षणमा नेगेटिभ देखिए पछि उनीहरुलाई डिस्चार्ज गरिएकोे गोरखा अस्पतालका सूचना अधिकारी कृष्ण ढकालले जानकारी दिनुभयो ।
आज डिस्चार्ज हुनेहरुमा गोरखा नगरपालिका ३ का २६ बर्षका पुरुष र बारपाक सुलिकोट गाउँपालिका ८ को ३० बर्षिया १ महिला र १८ बर्षका पुरुष रहेका छन् । जिल्लामा हिजो साँझसम्म कुल संक्रमितको संख्या ३२२ पुगेको छ भने आइसोलेसनमा भर्ना भएका मध्ये १३३ जना डिस्चार्ज भएको अस्पतालले जनाएको छ ।
