गोरखा ६, असोज । गोरखा जिल्लामा आज २८ जना संक्रमित व्यक्ति कोरोना मुक्त भएका छन् । जिल्लाको भीमसेन थापा गाउँपालिका, पालुङटार नगरपालिका, बारपाक सुलिकोट गाउँपालिका, सिरानचोक गाउँपालिका, धार्चे गाउँपालिका र गोरखा नगरपालिकाका ७ महिला र २१ जना पुरुष कोरोना संक्रमणबाट मुक्त भएका हुन् ।
संक्रमण मुक्त हुनेहरुमा गोरखा नगरपालिका वडा नम्बर ६, ७ र १३ का बर्ष ४०, ५१ र ३० का ३० जना महिला, बर्ष २२, २४, २४, २५ र २८ का ५ जना पुरुष रहेको अस्पतालका निमित्त मेडिकल सुपरिटेण्डेन्ट डा. नविन थापाले जानकारी दिनुभयो । त्यस्तै पालुङटार नगरपालिका वडा नम्बर ५ का बर्ष ५५ का एक पुरुष, सिरानचोक गाउँपालिका वडा नम्बर ६ का २० बर्षका एक महिला र १७ बर्षका एक पुरुष, भीमसेन थापा गाउँपालिका वडा नम्बर ७ र ८ का बर्ष ४०, २४ र ३८ का ३ जना पुरुष तथा बर्ष २५ र ३३ का २ महिला रहेको अस्पतालले जनाएको छ ।
कोरोना निको हुने अन्य व्यक्तिहरुमा बारापाक सुलिकोट गाउँपालिका वडा नम्बर ३ का बर्ष ५० का एक महिला र बर्ष २१ का एक पुरुष, वडा नम्बर ४ का बर्ष १८, ३२, र ३६ का ३ पुरुष, वडा नम्बर ५ का बर्ष ३० का एक पुरुष, वडा नम्बर ७ र ८ का बर्ष २२, २४, ३५, ३७, ४६ र ३६ का ६ पुरुष तथा धार्चे गाउँपालिका वडा नम्बर ३ का २२ बर्षका एक पुरुष रहेका छन् ।
उनिहरुको गण्डकी प्रदेश जनस्वास्थ्य प्रयोगशाला पोखरा र राष्ट्रिय जनस्वास्थ्य प्रयोगशाला टेकुमा गरिएको पिसिआर परीक्षणका क्रममा कोरोना नदेखिएपछि आइसोलेसनबाट डिस्चार्ज गरिएको निमित्त मेडिकल सुपरिटेण्डेन्ट डा. थापाले जानकारी दिनुभयो ।
