काठमाण्डौ ५, असोज । नेकपाका उपाध्यक्ष वामदेव गौतमलाई राष्ट्रिय सभाको सदस्यका रूपमा काम गर्न रोक्न माग गर्दै सर्वोच्च अदालतमा रिट परेको छ । नेता गौतमको नियुक्ति संविधानविपरीत भएको भन्दै वरिष्ठ अधिवक्ता दिनेश त्रिपाठीले सोमबार रिट दायर गर्नुभएको हो ।
पूर्व अर्थमन्त्री युवराज खतिवडाको राष्ट्रियसभा सदस्यको अवधि सकिएपछि गौतमलाई सरकारले सिफारिस गरेको थियो । सरकारको सिफारिसमा राष्ट्रपति विद्यादेवी भण्डारीले गौतमलाई नियुक्त गर्नभएको थियो ।
प्रतिनिधि सभामा पराजितलाई राष्ट्रियसभामा लैजाने प्रवृत्ति बढेको भन्दै नियुक्ति बदर गर्न रिटमा माग गरिएको छ । आज पेश गरेको रिटमा पर्सिका लागि पेशी तोक्ने भनिएको त्रिपाठीले बताउनुभयो ।
