धादिङ ३१, भदौ । धादिङमा अरिङ्गाल पोल्न जाँदा रुखको हाँगा भाँचिएर लड्दा १ जनाको ज्यान गएको छ । एक जना घाइते भएका छन् ।
त्रिपुरासुन्दरी गाउँपालिका वडा नं ४ मा रुखको हाँगा भाँचिएर लड्दा ३५ वर्षका अर्जुनबहादुर थापा मगरको ज्यान गएको प्रहरीले जनाएको छ । २४ वर्षका राजवीर गुरुङ घाइते हुनुभएकाे र उहाँको धादिङ अस्पतालमा सामान्य उपचारपछि थप उपचारको लागि काठमाण्डौ रेफर गरिएको जिल्ला प्रहरी कार्यालय धादिङका प्रमुख प्रहरी उपरीक्षक रबिन्द्र रेग्मीले जानकारी दिनुभयो
