धादिङ २८, भदौ । पृथ्वीराजमार्ग अन्तरगत धादिङको बेनिघाट रोराङ गाउँपालिका–१० स्थित हिक्लुङघाट पुल नजिकै गाडीको ठक्करबाट आइतबार अपरान्ह्र एक बालकको मृत्यु भएको छ । पहिचान खुल्न नसकेको गाडीको ठक्करबाट अन्दाजी १२ बर्षका बालकको ज्यान गएको प्रहरीले जनाएको छ ।
ठक्कर दिने सवारी साधनको पहिचान नभएकाले खोजी भइरहेको छ । गाडीको ठक्करबाट बालकको घटनास्थलमै मृत्यु भएको हो । मृतक बालकको नाम ठेगाना खुल्न सकेको छैन । घटनास्थलमा मृतकको शव राखेर स्थानीयले दोषीलाई तत्काल पक्राउ गर्न माग गरेका छन् ।
स्थानीयको अबरोधका कारण पृथ्वीराजमार्ग अबरुद्ध भएको छ ।
