गोरखा २३, भदौं । नेपाली काग्रेसका महामन्त्री शशांक कोइरालाले कोरोना संक्रमण भएको छ । महामन्त्री कोइरालाले मंगलबार ट्विट मार्फत आफुलाई कोरोना संक्रमण भएको पुष्टी गर्नुभएको हो । कोरोना संक्रमण भएपनि आफुलाई कुनै स्वास्थ्य समस्या नदेखिएको उहाँले जानकारी दिनुभएको छ ।
‘‘चिकित्सकहरुको सल्लाहअनुसार हाल म होम आइसोलेसनमा बसेको छु। मसंग प्रत्यक्ष सम्पर्कमा आउनुभएका सम्पूर्णमा आवश्यक सजगता अपनाउनुहुन अनुरोध गर्दछु,’ कोइरालाले ट्विटमार्फत् सार्वजनिक रुपमा भन्नु भएको छ । कोइरालाका सहयोगी भरत तिवारीले महामन्त्री कोइरालामा कुनै लक्षण नदेखिएको बताउनुभयो ।
