गोरखा २१, भदौ । गोरखा अस्पतालमा शनिबार मृत्यु भएकी महिलामा कोरोना संक्रमण पुष्टी छ । गण्डकी प्रदेश जनस्वास्थ्य प्रयोगशाला पोखरामा गरिएको कोरोना परीक्षणका क्रममा मृतक महिलामा कोरोना पुष्टी भएको हो । मृतक महिलाको परिवारमा शुक्रबार कोरोना पुष्टी भएपछि उनको स्वांब संकलन गरि परीक्षणका लागि पठाइएको थियो ।
गोरखा अस्पतालको आकस्मिक कक्षमा उपचारका लागि पुगेकी महिलाको उपचारको क्रममा मृत्यु भएको थियो । गोरखा नगरपालिका–७ की ७५ बर्षिय महिलाको मत्यु भएपछि हिजो अस्पतालको आकस्मिक कक्ष केही घण्टा सिल समेत गरिएको थियो ।
चितवनको भरतपुर अस्पतालमा केही साता अघि उपचार गरिएकी फर्किएकी महिलाको परिवारका ३ सदस्यमा कोरोना पुष्टी भएपछि उहाँको पनि स्वाब संकलन गरि स्वाब कोरोना परीक्षण लागि पठाइको थियो । कोरोना पुष्टी भएकी मृतक महिलको शव अन्येत्टी नेपाली सेनाले गर्ने तयारी गरेको छ ।
